ობამას სამდღიანი აზიური ტურნე დაიწყო

შეერთებული შტატების პრეზიდენტი ბარაკ ობამა დღეს სამხრეთ-აღმოსავლეთ აზიის ქვეყნებში თავის სამდღიან ტურნეს იწყებს, რომლის დროსაც ის კამბოჯას, ტაილანდს და ბირმას ეწვევა.
თეთრი სახლის განცხადებით, ვიზიტის დროს პრეზიდენტი ადამიანის უფლებების დაცვის პრობლემებზე გაამახვილებს ყურადღებას.
ბარაკ ობამა ამერიკის პირველი პრეზიდენტი იქნება, რომელიც ოფიციალური ვიზიტით ჩავა ბირმაში.
ადამიანის უფლებათა დამცავები მკაცრად აკრიტიკებენ პრეზიდენტ ობამას ბირმაში დაგეგმილი ვიზიტის გამო. მათი აზრით, ბირმის ხელისუფლებამ უფრო მეტი რეფორმები უნდა გაატაროს ქვეყანაში დემოკრატიის განვითარებისთვის.