იმ დროს, როცა ჩრდილოეთ კორეა რაკეტების და ბირთვული იარაღის გამოცდებს აგრძელებს, შეერთებული შტატების ვიცე-პრეზიდენტმა მაიკ პენსმა ნათლად გამოხატა, რომ შეერთებული შტატები სამხრეთ კორეის გვერდით დგას.
სამხრეთ კორეის პრეზიდენტის მოვალეობის შემსრულებელ და პრემიერ-მინისტრ ჰუანგ კიოანთან ერთობლივ პრეს-კონფერენციაზე პენსმა თქვა: „100 პროცენტით თქვენს გვერდით ვართ“. პენსმა ასევე შეერთებულ შტატებსა და სამხრეთ კორეას შორის არსებულ „ურღვევ კავშირზე“ ისაუბრა.
ვიცე პრეზიდენტის თქმით: „ჩრდილოეთ კორეისთვის უკეთესი იქნება თუ შეერთებული შტატების პრეზიდენტის, დონალდ ტრამპის ნებისყოფას არ გამოცდის“. მან ასევე თქვა, რომ „ნახევარკუნძულის ბირთვული იარაღისგან გასათავისუფლებლად ყველანაირი ვარიანტი განიხილება.
Facebook Forum