ბმულები ხელმისაწვდომობისთვის

ჩრდილოეთ კორეა სანქციების შედეგებს ითვლის


გასულ წელს, ჩრდილოეთ კორეის ეკონომიკამ, საერთაშორისო სანქციების შედეგად, 3.5 პროცენტით იზარალა. ამ ინფორმაციას სამხრეთ კორეის ცენტრალური ბანკი ავრცელებს. ჩრილოეთ კორეა ეკონომიკურ მონაცემებს არ ასაჯაროებს.

2016 წელს ჩრდილოეთ კორეის ეკონომიკა თითქმის 4 პროცენტით გაიზარდა. წლევანდელი კლება ბოლო 20 წლის განმავლობაში უპრეცენდენტოა. ბოლოს, ეკონომიკა 6.5 პროცენტით 1997 წელს შემცირდა.

საერთაშორისო სანქციების შედეგად კორეის სამთო მრეწველობა 11 პროცენტით შემცირდა. უკუსვლაა წარმოების და სოფლის-მეურნეობის სფეროებშიც. მნიშვნელოვნად - 37 პროცენტით - იკლო ექსპორტმა, უმნიშვნელოდ გაიზარდა იმპორტი.

სამხრეთ კორეის ცენტრალური ბანკის გათვლებით, მთლიანი შიდა პროდუქტი ერთ მოსახლეზე, დაახლოებით, ათას ამერიკულ დოლარს აღწევს, რაც სამხრეთ კორეის მაჩვენებელზე 23-ჯერ ნაკლებია.

Facebook Forum

XS
SM
MD
LG