საფრანგეთის საკურორტო ქალაქ ნიცაში ბასტილიის დღის აღსანიშნავ ეროვნულ დღესასწაულზე ფოიერვერკების საყურებლად თავმოყრილ ადამიანთა ჯგუფში საბარგო მანქანა შეიჭრა.
ადგილობრივი ტელეარხის BFM TV-ის ცნობით, სანაპიროზე მყოფთაგან სულ ცოტა 75 ადამიანი დაიღუპა და 100-ზე მეტი დაშავდა. თვითმხილველები ფიქრობენ, რომ ეს გამიზნული იერიში იყო. პარიზში დაჯგუფება "ისლამური სახელმწიფოს" მიერ განხორციელებული თავდასხმის შემდეგ, რომელშიც 130 ადამიანი დაიღუპა, ჯერ მხოლოდ 8 თვე გავიდა.
