მიანმარში დაპატიმრებული "როიტერის" ჟურნალისტთა ცოლები მათი ქმრების გამოშვებას ითხოვენ. პან ი-მონმა და ჩიტ სუმ სამშაბათს საგანგებო პრესკონფერენციაზე განაცხადეს, რომ მათი მეუღლეები უდანაშაულოები არიან.
ორშაბათს "როიტერის" ორ ჟურნალისტს მიანმარში 7-7 წელი მიუსაჯეს. ვა ლონი და კიუ სუ-ო მუსლიმი როჰინგას თემის მიმართ ადამიანის უფლებების დარღვევის ფაქტებს აშუქებდნენ. ჟურნალისტებმა სამთავრობო ძალების მიერ ჩადენილი დანაშაულის დამადასტურებელი, რამდენიმე უნიკალური ფოტო მოიპოვეს. სასამართლომ განაჩენი ოფიციალური დოკუმენტების უკანონო ფლობის ბრალდების საფუძველზე გამოიტანა.
Facebook Forum