შეერთებული შტატების ფედერალურმა მოსამართლემ ემეტ სალივანმა ამერიკის ხელისუფლების ქმედებებს შოკისმომგვრელი უწოდა. საქმე ეხება შტატებში თავშესაფრის მაზიებელი ქალისა და მისი შვილის საქმეს, რომელთა დეპორტაციაც მოხდა. ისინი თვითმფრინავით ელ-სალვადორისკენ გაამგზავრეს. მოსამართლე ამის გამო გენერალურ პროკურორს ჯეფ სეშენსსაც დაემუქრა.
"მოაბრუნეთ უკან ეს თვითმფრინავი", - მოუწოდა ხელისუფლებას მოსამართლემ, რომელმაც აღნიშნა, რომ უკიდურესად აღშფოთებულია მოვლენათა ამგვარი განვითარებით. "ეს მიუღებელია", - თქვა მოსამართლემ.
ადვოკატმა, რომელიც ქალის ინტერესებს იცავდა, სწორედ სასამართლო სხდომისას შეიტყო ის, რომ ტეხასში იმიგრანტთა დაკავების ცენტრიდან მისი კლიენტის - ქალი და ბავშვის დეპორტაცია მოხდა. ქალი თავშესაფარს ითხოვდა და ამტკიცებდა, რომ ის სექსუალური ძალადობის მსხვერპლი იყო საკუთარი მეუღლის მხრიდან და მას ასევე ემუქრებოდნენ ადგილობრივი მაფიის წარმომადგენლები.
Facebook Forum