ისრაელი იმუქრება

ისრაელის ბომბდამშენებმა ღაზას სექტორში ის რაიონები დაბომბეს, საიდანაც პალესტინელები ისრაელის ტერიტორიას რაკეტებს უშენდენ.

თავდასხმების შედეგად ალ-ყაიდასთან დაკავშირებული სალაფისტური ორგანიზაციის ლიდერი, ჰიშამ საიდანი და კიდევ ოთხი მეომარი დაიღუპა.

ისრაელის სამხედროების განცხადებით, პალესტინელთა მიერ გაშვებული თვითნაკეთი რაკეტები ისრაელის ტერიტორიაზე აფეთქდა, თუმცა მსხვერპლი არ გამოუწვევია.

ისრაელის პრემიერ-მინისტრის, ბენიამინ ნეთანიაჰუს განცხადებით, „გლობალური ჯიჰადი“ ისრაელზე თავდასხმებს აძლიერებს, რასაც ეს უკანასკნელი აგრესიული დარტყმებით უპასუხებს.