ერაყის რამდენიმე ქალაქში ბომბების აფეთქების შედეგად ათობით ადამიანი დაიღუპა.
ოფიციალური პირების ცნობით, ყველაზე მეტი მსხვერპლი ქალაქ კუტში დაფიქსირდა, სადაც ორი ბომბის აფეთქების შედეგად 35 ადამიანი დაიღუპა და 60-ზე მეტი დაშავდა.
ერაყის სამხრეთში მდებარე ქალაქ ნაჯაფში ორ მანქანაში დამონტაჟებული ბომბის აფეთქების შედეგად სამი ადამიანი დაიღუპა და 32 დაშავდა. ასევე მსხვერპლით დასრულდა აფეთქება ქალაქ კირკუკში, სადაც დაღუპული სამი ადამიანიდან ორი პოლიციის თანამშრომელი იყო.