ბმულები ხელმისაწვდომობისთვის

ირანი მოკლულ მეცნიერს გლოვობს


ორშაბათს, ირანმა დაკრძალა ბირთვული ფიზიკის მეცნიერი მოსენ ფაქრიზადე, რომელიც პარასკევს მოკლეს. მკვლელობამ ირანელი ლიდერების მხრიდან სამაგიეროს გადახდის მუქარა გამოიწვია.

თეირანში, ირანის თავდაცვის სამინისტროში გამართულ პანაშვიდზე, თავდაცვის მინისტრმა გენერალმა ამირ ჰათამიმ თქვა, რომ ფაქრიზადეს სიკვდილი ირანელებს უფრო გააერთიანებს და ქვეყანა მის საქმეს “მეტი სისწრაფით და მეტი ძალით” გააგრძელებს.
შეიარაღებული პირები ფაქრიზადეს ავტომობილს თავს პარასკევს დაესხნენ, როდესაც ის ქალაქ აბსარდის სიახლოვეს გადაადგილდებოდა.

დასავლეთის და ისრაელის მთავრობები დიდი ხნის განმავლობაში ეჭვობდნენ, რომ ფაქრიზადე საიდუმლო ბირთვული იარაღის პროგრამის წამყვანი ფიგურა იყო.

ირანმა თავდასხმაში ბრალი ისრაელს დასდო. პრემიერ-მინისტრ ბენიამინ ნეთანიაჰუს ოფისმა მოკვლაზე კომენტარის გაკეთებაზე უარი თქვა. კაბინეტის მინისტრმა ცახი ჰანეგბიმ შაბათს თქვა, რომ არ იცოდა თავდასხმა ვინ ჩაიდინა. ისრაელის დაზვერვის მინისტრმა ილაი კოენმა, ორშაბათს ისრაელის რადიოს უთხრა, რომ ახლა იცის, თუ თავდასხმაზე პასუხისმგებელი ვინ არის.



თავდასხმის საპასუხოდ, ირანის პარლამენტმა დაიწყო კანონპროექტის განხილვა, რომელიც ირანში ატომური ენერგიის საერთაშორისო სააგენტოს ინსპექციებს შეაჩერებს.

Facebook Forum

XS
SM
MD
LG