ბმულები ხელმისაწვდომობისთვის

ირანმა დემონსტრანტი ჩამოახრჩო


ირანმა პირველი სიკვდილით დასჯის შესახებ განაცხადა იმ დემონსტრანტისა, რომელიც ანტისამთავრობო საპროტესტო აქციების ტალღაში მონაწილეობისთვის გაასამართლეს.

სახელმწიფო მედია ხუთშაბათს იტყობინება, რომ 23 წლის მოჰსენ შეკარი ხუთშაბათს დილით ჩამოახრჩვეს მას შემდეგ, რაც თეირანში ქუჩის გადაკეტვასა და უსაფრთხოების ძალების წევრზე თავდასხმაში დაადანაშაულეს.

ირანის სასამართლოებმა მინიმუმ 10 სასიკვდილო განაჩენი გამოუტანეს საპროტესტო აქციებთან დაკავშირებით დაკავებულ პირებს. შეკარი იყო პირველი ადამიანი, რომელიც სიკვდილით დასაჯეს.

ირანში საპროტესტო აქციები სექტემბერში ირანელი ქურთი ქალის, 22 წლის მაჰსა ამინის გარდაცვალებამ გამოიწვია, რომელიც ქვეყნის მორალურმა პოლიციამ დააკავა ჰიჯაბის არასწორად ტარების გამო.

უფლებადამცველები ამბობენ, რომ ბოლო საპროტესტო აქციების დროს სულ მცირე 471 ადამიანი დაიღუპა.

Facebook Forum

XS
SM
MD
LG