ბმულები ხელმისაწვდომობისთვის

ვინ იყვნენ ამერიკის პრეზიდენტები?


How does Biden compare?

ჰყავს თუ არა ამ მოსაზრებას მოწინააღმდეგეები, ამერიკის შეერთებული შტატების პრეზიდენტს, ხშირად „თავისუფალი სამყაროს ლიდერს“ უწოდებენ. ნებისმიერ შემთხვევაში, აშშ-ის პრეზიდენტი ნამდვილად არის პლანეტის ერთ-ერთი ყველაზე ძლიერი ლიდერი.

ისტორია აჩვენებს, რომ ამერიკის პრეზიდენტების აბსოლუტური უმრავლესობა თეთრკანიანი, პროტესტანტი მამაკაცი იყო. 20 იანვარს, ფიცს არჩეული პრეზიდენტი, ჯო ბაიდენი დადებს. მანამდე, „ამერიკის ხმა“ გიამბობთ ამერიკის პრეზიდენტების შესახებ - ვინ იყვნენ ისინი, და სად არის ჯო ბაიდენი, წინამორბედთა შორის.

აშშ-ის 31 პრეზიდენტს სამხედრო კარიერა ჰქონდა

აშშ-ის პრეზიდენტების უმრავლესობას, თეთრი სახლის ოვალური კაბინეტის დაკავებამდე სამხედრო კარიერა ჰქონდა. რამდენიმე მათგანი გამოჩენილი სამხედრო გენერალი იყო - ჯორჯ ვაშინგტონი, რომელიც რევოლუციური ომის დროს კონტინენტურ არმიას მეთაურობდა; ულისე ს. გრანტი სამოქალაქო ომის დროს, გაერთიანების ჯარებს მეთაურობდა; დუაიეტ ეიზენჰაუერი კი, ხუთვარსკვლავიანი გენერალი „აიკი“, მეორე მსოფლიო ომის მიმდინარეობისას, ევროპაში მოკავშირეთა ძალების მთავარსარდალი იყო.

სამოქალაქო ომის კვალდაკვალ, თითოეული პრეზიდენტი ამ ომის მონაწილე იყო. ვეტერან პრეზიდენტების ახალი ნაკადი წარმოქმნა პირველმა და მეორე მსოფლიო ომებმა. თუმცა, ეს ტენდენცია, ბოლო დეკადების განმავლობაში დასრულდა. გვიანდელი პერიოდის უმრავლესობას, შეიარაღებულ ძალებში არასდროს უმსახურია - ბილ კლინტონს,ბარაკ ობამას და დონალდ ტრამპს. ასევე, არჩეულ პრეზიდენტ ჯო ბაიდენს.

26 პრეზიდენტი კონგრესის წევრი იყო

ჯეიმს მედისონიდან, ჩვენს დრომდე, მომავალ პრეზიდენტებს შორის პოპულარული საქმიანობა კონგრესის წევრობა იყო. აშშ-ის პრეზიდენტების ნახევარზე მეტი, მანამდე კონგრესში ან სენატში მსახურობდა. ზოგიერთი მათგანი ორივეში. ისტორიის მანძილზე, 17 სენატორი პრეზიდენტი გახდა, მათ შორისაა არჩეული პრეზიდენტი, ჯო ბაიდენი.

ინაუგურაციის შემდეგ, ბაიდენი აშშ-ის ყველაზე ხანდაზმული პრეზიდენტი იქნება

პრეზიდენტობისთვის კანონით განსაზღვრული ასაკი 35 წელია. თუმცა, როგრც წესი, ახალგაზრდა პრეზიდენტები, თეთრ სახლს ახალგაზრდული ქარიზმისა და პოლიტიკური მიღწევების პიკში, 40-ზე მეტ ასაკში იკავებდნენ. ასე მეოხდა ყველაზე ახალგაზრდა პრეზიდენტი „ტედი“ რუზველტის შემთხვევაში. მან ოვალური კაბინეტი 42 წლის ასაკში დაიკავა. ჯონ კენედი პრეზიდენტი 43 წლის ასაკში გახდა და გლამურული პოლიტიკურო ოჯახის წარმომადგენლად მიიჩნეოდა. ასაკოვანი პრეზიდენტების იმიჯი, უფრო ჯარმაგი ბაბუის როლი იყო - მაგალითად, დუაიტ ეიზენჰაუერი და რონალდ რეიგანი.

ხანდაზმულ პრეზიდეენტებს შორის უხუცესი დონალდ ტრამპი იყო. მან თანამდებობა 70 წლის ასაკში დაიკავა. უხუცესი პრეზიდენტის ტიტულს, ინაუგურაციის შემდეგ ჯო ბაიდენი მიიღებს. ის თეთრი სახლის ოვალურ კაბინეტს 78 წლის ასაკში დაიკავებს. რამდენიმე პრეზიდენტმა, ოფისი სრულიად გაჭარაღავებულმა დატოვა.

ბაიდენი მეორე კათოლიკე პრეზიდენტი იქნება

აშშ-ის კონსტიტუცია საჯარო თანამდებობებზე რაიმე რელიგურ მოთხოვნებს კრძალავს. თუმცა, აქამდე აშშ-ის ყველა პრეზიდენტი ქრისტიანული აღმსარებლობის იყო - აბსოლუტური უმრავლესობა პროტესტანტი. ინაუგურაციის შემდეგ, ჯო ბაიდენი, ჯონ კენედის შემდეგ მეორე კათოლიკე პრეზიდენტი გახდება. არც ერთი პრეზიდენტი არ ყოფილა იუდეველი ან მუსლიმი, ამასთან, არცერთ მათგანს საჯაროდ ათეიზმის შესახებ არ განუცხადებია. თუმცა, თომას ჯეფერსონი, აბრაამ ლინკოლნი და უილიამ ტაფტი აგნოსტიკოსად ან ათეისტად მიიჩნეოდნენ.

გამარჯვების შემთხვევაში, ამერიკის პირველი იუდეველი პრეზიდენტი ბერნი სანდერსი იქნებოდა. პრეზიდენტობის ყოფილი დემოკრატი კანდიდატი.

15 პრეზიდენტი მანამდე ვიცე-პრეზიდენტი იყო

აშშ-ის 15 ექს ვიცე-პრეზიდენტს შორის რვამ, თეთრი სახლის ოვალური კაბინეტი მოქმედი პრეზიდენტის გარდაცვალების გამო დაიკავა. მათგან ერთი, ვიცე-პრეზიდენტი ჯერალდ ფორდი პრეზიდენტი მას შემდეგ გახდა, რაც რიჩარდ ნიქსონი თანამდებობიდან გადადგა. ისტორიას ახსოვს შემთხვევები, როცა პრეზიდენტობისთვის მებრძოლმა ვიცე-პრეზიდენტებმა, არჩევნებში გამარჯვება ვერ შეძლეს - ასე მოხდა ალ გორისა და უოლტერ მონდეილის შემთხვევაში.

მაღალი და დაბალი პრეზიდენტები

ზოგიერთ კულტურებში არსებობს წარმოდგენა, რომ მაღალი ადამიანები უფრო მარტივად ხდებიან ლიდერები და იხვეჭენ სიმდიდრეს, ვიდრე დაბალი ადამიანები. ამერიკის შეერთებული შტატების სამი გამორჩეული პრეზიდენტი, ჯორჯ ვაშინგტონი, თომას ჯეფერსონი და აბრაამ ლინკოლნი, პრეზიდენტებს შორის ყველაზე მაღლები იყვნენ. მაღალთა შორის ყველაზე მაღალი, კი აბრაამ ლინკოლნი იყო - 193 სმ.

თუმცა, სიმაღლის და წარმატების თანაფარდობის შესახებ წარმოდგენები მხოლოდ წარმოდგენებია. ქვეყნის მეორე პრეზიდენტი, ჯონ ადამსი, პრეზიდენტებს შორის ერთ-ერთი ყველაზე დაბალი იყო - 170 სმ. ის დამფუძნებელ მამებს შორის ერთ-ერთი იყო. ყველაზე დაბალი პრეზიდენტი კი, 163 სმ. სიმაღლით, ჯეიმს მედისონი იყო.

სიმაღლით გამოირჩევიან ბოლო წლების პრეზიდენტები. მათ შორის, დონალდ ტრამპი, ბილ კლინტონი, ჯორჯ ბუშ უფროსი და არჩეული პრეზიდენტი, ჯო ბაიდენი - მისი სიმაღლე 183 სანტიმეტრია.

33 პრეზიდენტს ბაკალავრის დიპლომი ჰქონდა

აშშ-ის პრეზიდენტების უმეტესობის განათლების დონე ყოველთვის უფრო მაღალი იყო, ვიდრე საშუალო სტატისტიკური მოსახლეობის. 12 პრეზიდენტის გარდა, თითოეულ მათგანს მინიმუმ ბაკალავრის დიპლომი ჰქონდა. 1953 წლიდან, დიპლომი ყველა პრეზიდენტს ჰქონდა. უდიპლომო პრეზიდენტები უმცირესობაში არიან, თუმცა მათ შორის არიან ქვეყნის გამორჩეულად პატივსაცემი პრეზიდენტები - ჯორჯ ვაშინგტონი და აბრაამ ლინკოლნი.

დოქტორის ხარისხი მხოლოდ ერთ პრეზიდენტს ჰქონდა - ვუდროუ უილსონს. ვიდრე უილსონი აშშ-ის პრეზიდენტი გახდებოდა, მანამდე პრინსტონის უნივერსიტეტის პრეზიდენტი იყო. რამდენიმე პრეზიდენტს იურისტის დიპლომი ჰქონდა - მათ შორის ბარაკ ობამა, ბილ კლინტონი. იურისტის დიპლომი აქვს არჩეულ პრეზიდენტ ჯო ბაიდენს. ადრეულ პრეზიდენტთაგან ბევრი, სწავლობდა და საქმიანობდა იურისპრუდენციაში, მაგრამ მათ იურისტის დიპლომი არ ჰქონიათ.

9 პრეზიდენტი წვერს ატარებდა

1861 წლიდან 1909 წლამდე, პრეზიდენტთა უმეტესობა, რაღაც ფორმით წვერს ატარებდა. თითოეული მათგანისთვის ამას სიმბოლური დატვირთვასც ჰქონდა. აბრაამ ლინკოლნი პირველი პრეზიდენტი იყო, ვინც წვერს ატარებდა. პრეზიდენტმა განმარტა, რომ წვერი წინასაარჩევნო კამპანიის დროს გაიზარდა, მას შემდეგ, რაც ეს 11 წლის გოგონამ ურჩია. გოგონამ მომავალ პრეზიდენტს უთხრა, რომ სახეზე არსებულ ხაზებს შესაძლოა ამომრჩეველზე გავლენა ჰქონოდა. მეოცე საუკუნის დასაწყისიდან, თეთრი საყელოს ეპოქაში, წვერი პოლიტიკური ცხოვრებიდან გაქრა და უწვერო სახეები პოლიტიკურ ნორმად იქცა.

პრეზიდენტების მშობლიური შტატები

ქვეყნის დაფუძნების ადრეულ წლებში, პრეზიდენტების უმეტესობა ვირიჯინიის შტატიდან იყო - პირველი 5 პრეზიდენტიდან 4, ვირჯინიელი იყო. ჯამში, ყველაზე მეტი, 7 პრეზიდენტი ნიუ-იორკიდან იყო, მათ შორის, დონალდ ტრამპი. ნიუ-იორკის შემდეგ, ყველაზე მეტი პრეზიდენტი ოჰაიოდან იყო - 6. ჯო ბაიდენის გამარჯვებით, ამ სიაში პირველად დელავერი გამოჩნდა.

Facebook Forum

ტვიტერი

XS
SM
MD
LG