პირველი მსოფლიო ომის დროს დაღუპული 250 ბრიტანელი და ავსტრალიელი ჯარისკაცის ნეშტი ჩრდილოეთ საფრანგეთში სამხედრო პატივით გადაასვენეს. დღეს ამ ცერემონიას ბრიტანეთის პრინცი ჩარლზი და ამოცნობილი ჯარისკაცების ნათესავები ესწრებოდნენ. გადასვენება ფრომელის ახალ სამხედრო სასაფლაოზე მოხდა. ჯარისკაცთა ნეშტები ორი წლის წინ საერთო საფლავების გათხრის დროს აღმოაჩინეს. ამ დროისათვის 109 ავსტრალიელი და სამი ბრიტანელი ჯარისკაცის ცხედარია ამოცნობილი.