„ფაიზერი“ და „ბიონტექი“ ამერიკაში კორონავირუსის ვაქცინის გამოცდის დასაწყებად მზად არიან

ორი ფარმაცევტული კომპანია „ფაიზერი“ და „ბიონტექი“ (Pfizer Inc და BioNTech SE) აცხადებენ, რომ შეერთებულ შტატებში კორონავირუსის ექსპერიმენტული ვაქცინის შემოტანა დაიწყეს, რომელიც გამზადებულია ადამიანებში ტესტირებისთვის.

ამერიკული და გერმანული ფარმაცევტული კომპანიები აცხადებენ, რომ თუ ვაქცინის უსაფრთხოება დადასტურდა, მას ფართო გაყიდვაში წლის ბოლომდე შემოიტანენ.

ეს ვაქცინა mRNA-ს ტექნოლოგიას იყენებს და წინასწარი ინფორმაციით, აქვს პოტენციალი გახდეს პირველი ეფექტური ვაქცინა, რომელიც კორონავირუსის გავრცელებას შეაჩერებს.

ამ დროისთვის არ არსებობს მკურნალობის დამტკიცებული მეთოდი კოვიდ-19-ის სამკურნალოდ. თუმცა ბოლო პერიოდში მოხდა რამდენიმე მედიკამენტის დამტკიცება საგანგებო ვითარებაში გამოსაყენებლად.

მსგავსი ტექნოლოგიით (MRNA.O) ვაქცინაზე მუშაობს კომპანია მოდერნაც, რომელიც ვაქცინას შეერთებული შტატების მთავრობასთან თანამშრომლობით იმუშავებს. ამ ვაქცინის ტესტირების პირველი ეტაპი უკვე დაწყებულია. გამოცდების შუალედურ ფაზაზე ვაქცინა ამ კვარტალში გადავა.

კომპანიები აცხადებენ, რომ სინთეტიკური mRNA ტექნოლოგიის გამოყენება საშუალებას იძლევა ვაქცინა უფრო სწრაფად იქნას შემუშავებული და წარმოებული.