ბრიტანეთის სამეფო წყვილი კანადაში 9 დღიანი ტურნეს შემდეგ კალიფორნიას სტუმრობს. კალიფორნიაში კემბრიჯის ჰერცოგი უილიამი და მისი მეუღლე ქეითი 3 დღეს დაჰყოფენ. აეროპორტში წყვილს შტატის გუბერნატორი ჯერი ბრაუნი და სხვა ოფიციალური პირები დახვდნენ. შაბათს დაგეგმილია პოლოს მატჩზე დასწრება, რომელიც სანტა ბარბარაში გაიმართება, შემდეგ კი საპატიო სტუმრებს ბრიტანელი კინემატოგრაფისტებისადმი მიძღვნილ წვეულებაზე ელიან.
ქეით მიდელტონისთვის ეს პირველი ვიზიტია შეერთებულ შტატებში.
