ინდონეზიის პრეზიდენტი სუსილო ბამბანგ იუდოუონო მიწისძვრისგან და ცუნამისგან დაზარალებულ რაიონში ჩავიდა.
სტიქიურმა უბედურებამ სუმატრის მახლობლად მდებარე კუნძულ მენტავაიზე 343 ადამიანის სიცოცხლე იმსხვერპლა.
სამ მეტრიანი ცუნამის შემდეგ, რომელმაც ამ კუნძულზე რამდენიმე სოფელი წალეკა, მაშველები უგზო-უკვლოდ დაკარგულ 338 ადამიანს ეძებენ.
7,7 ბალის სიძლიერის მიწისძვრის შემდეგ ცუნამი ელვის უსწრაფესად დაატყდა თავს აღნიშნულ კუნძულებს. აღსანიშნავია, რომ მთავრობამ არ აამოქმედა ცუნამის გამაფრთხილებელი საგანგაშო სისტემა, რომელიც 2004 წლის კატასტროფის შემდეგ შემოიღეს.