ავსტრალიის ჩრდილო-აღმოსავლეთში გაუთავებელი კოკისპირული წვიმების გამო წყალდიდობას აქვს ადგილი. ადიდებული მდინარეები კალაპოტიდან გამოვიდა და ახლა წყალდიდობა რეალურ საფრთხეს უქმნის ქვანახშირის მოპოვებისა და ტურიზმის ინდუსტრიას. მთლიანად დაიფარა წყლით ქალაქი გიმპი კვინს ლენდში. ასევე წყალდიდობას ებრძვიან ქალაქ ბრისბენში. მსგავსი წყალდიდობა ავსტრალიაში 50 წლის განმავლობაში პირველად მოხდა.