თეთრმა სახლმა არ მიიღო ჩინეთის მოწოდება განახლდეს ექვსმხრივი მოლაპარაკება ჩრდილოეთ კორეის ბირთვული პროგრამის ირგვლივ. თეთრმა სახლმა პეკინს მოუწოდა ზეწოლა მოახდინოს ფხენიანზე, რათა მან შეწყვიტოს პროვოკაციული მოქმედება. როგორც თეთრი სახლის რწმუნებულმა რობერტ გიბსმა განაცხადა ჩრდილოეთ კორეამ იმის დემონსტრირება უნდა მოახდინოს, რომ მას მართლაც სურს შეწყვიტოს მისი აგრესიული ქმედებები. მისივე თქმით, ამას გარდა ჩრდილოეთ კორეა ისიც უნდა დაანახოს მსოფლიოს, რომ მას მართლაც სურს მოლაპარაკებაში ჩართვა და იმ ვალდებულებების პრაქტიკულად გატარება, რომლებიც მან თავის დროზე იკისრა.