ცნობილი გახდა ლატვიაში ჩატარებული რეფერენდუმის წინასწარი შედეგები. ლატვიელთა უმრავლესობამ რუსული ენის მეორე ოფიციალურ ენად გამოცხადებას მხარი არ დაუჭირა. ლატვიელები აცხადებენ, რომ რეფერენდუმის გამართვას რუსეთი უჭერდა მხარს და ამის მიზანს ლატვიის სუვერენიტეტის დასუსტება წარმოადგენდა, რათა საბოლოო ჯამში ქვეყანა ისევ რუსეთის გავლენის ქვეშ დაბრუნდეს. საბჭოთა კავშირის დაშლის და დამოუკიდებლობის მოპოვების შემდეგ, ლატვიაში ბევრი რუსელენოვანი მოქალაქე დარჩა.