დღეს ლიბიის ქალაქ ბენღაზიში ამერიკელი სენატორი ჯონ მაკეინი ჩავიდა. იგი ოპოზიციის ლიდერებს შეხვდა და ადგილზე შექმნილ მდგომარეობას გაეცნო.
სენატორმა ჟურნალისტებს განუცხადა, რომ მეამბოხეები მისი გმირები არიან.
შეგახსენებთ, რომ ვეტერანი რესპუბლიკელი კანონმდებელი თავიდანვე აქტიურად უჭერდა მხარს ლიბიაში სამხედრო ინტერვენციას.
მაკეინის ვიზიტი ლიბიაში მოსდევს ამერიკის გადაწყვეტილებას -ნატოს სამხედრო მისიის მხარდასაჭერად ლიბიაში რაკეტებით დაკომპლექტებული დრონები გამოიყენოს.