გაერომ შეერთებულ შტატებს და ნატოს სამხედროებს მოუწოდა ხელი აიღონ საჰაერო თავდასხმების განხორციელებაზე ავღანეთში, მას შემდეგ, რაც ამ კვირის დასაწყისში მათი დაბომბვის შედეგად ცხრა ბავშვი დაიღუპა, რომლებიც ტყეში შეშას აგროვებდნენ.
წელს მარტო კუნარის პროვინციაში ჩრდილო-ატლანტიკური ალიანსის მიერ ჩატარებული საჰაერო დაბომბვების შედეგად 64 სამოქალაქო პირი დაიღუპა. სულ 2010 წელს ავღანეთში 2400 მშვიდობიანი მოქალაქე მოკლეს.