დღეს ოფიციალურმა ტოკიომ განაცხადა, რომ ირანის წინააღმდეგ ახალ ფინანსურ სანქციებს დააწესებს.
სანქციების შედეგად იაპონია ყადაღას დაადებს 106 ორგანიზაციის ქონებას, ერთ კერძო და სამ ირანულ ბანკს. მთლიანობაში, იაპონიის სანქციები 350 ირანულ კომპანიაზე ვრცელდება. ყველა ეს კომპანია ირანშია დაფუძნებული.
ამ ფონზე, იაპონიის ეკონომიკის, ვაჭრობისა და მრეწველობის მინისტრი იოკიო ედანო აცხადებს, რომ სანქციები არ შეზღუდავს ირანიდან გადაუმუშავებელი ნავთობის იმპორტს. ირანი იაპონიას ენერგო რესურსების 10 პროცენტს აწვდის.
