მსოფლიო ლიდერები ერთობლივ დეკლარაციას აქვეყნებენ ცუნამის შედეგების სალიკვიდაციოდ.
დღეს, ინდონეზიაში ერთდღიანი უმაღლესი დონის შეხვედრის დასრულების შემდეგ გაეროს გენერალურმა მდივანმა კოფი ანანმა მონაწილეებს უთხრა, რომ დაახლოებით 1 მილიარდი დოლარი იქნება საჭირო ცუნამის მსხვერპლთა დასახმარებლად. ინდონეზიის პრეზიდენტი სუსილო ბამბანგ იოდოიონო კი ამბობს, რომ ამ უპრეცედენტო კატასტროფას ასევე უპრეცედენტო რეაქცია უნდა მოჰყვეს.
აი რა განაცხადა კოფი ანანმა:
“ადამიანთა მაქსიმალური რაოდენობის გადასარჩენად, ჩვენი ღირსებისა და იმედის აღსადგენად დახმარებაც ასევე დროული და კარგად კოორდინირებული უნდა იყოს.”
ამ ფონზე, ევროკავშირის ლიდერები დამატებით 461-ი მილიონი დოლარის გამოყოფას გეგმავენ ცუნამის მსხვერპლთა დასახმარებლად.
ჯაკარტაში მყოფმა ევრო- კომისიის პრეზიდენტმა ხოსე მანუელ ბაროსომ ჟურნალისტებს განუცხადა, რომ ევროპარლამენტს იგი ამ თანხის დამტკიცებას სთხოვს, რაც დაზარალებული რეგიონის გრძელვადიანი რეკონსტრუქციისთვის იქნება საჭირო.