<!-- IMAGE -->
ათენში სამთავრობო ორგანიზაციებში დასაქმებული მოსამსახურეები , ევროკავშირისა და საერთაშორისო სავალუტო ფონდისგან დახმარების პაკეტის მიღების მიზნით, მთავრობის მიერ დაწესებული ახალი მკაცრი ზომების წინააღმდეგ გაიფიცნენ.
პედაგოგები,საავადმყოფოებისა და სამთავრობო ორგანიზაციების თანამშრომლები აპროტესტებენ ხელფასების შემცირებასა და ახალი გადასახადების დაწესებას,რაც ევროკავშირისა და საერთაშორისო სავალუტო ფონდის მიერ ეკონომიკის გაჯანსარების მიზნით, საბერძნეთის წინაშე დასახული ინიციატივების ერთერთი პირობა გახლავთ.ხვალ ორდღიან გაფიცვას კერძო სექტორის წარმომადგენლებიც შეუერთდებიან.ეროვნული გაფიცვის შედეგად საბერძნეთში ყველანაირი მომსახურება დროებით შეწყდება.
ბერძენმა კომუნისტებმა მთელი ქვეყნის მასშტაბით უზარმაზარი სარეკლამო ბანერები გამოფინეს,რომელზეც წერია“ევროპელებო ,აღსდეგით“