ერაყის უშიშროების სამსახურის წარმომადგენლები აცხადებენ რომ დაახლოებით 17 ადამიანი დაიღუპა და 60-ზე მეტი დაშავდა დღეს ბაღდადში მომხდარი აფეთქებების შედეგად.
პოლიციის ინფორმაციით, ბაღდადში ბაზრის ტერიტორიის შორიახლოს დაახლოებით 7 ადამიანი გარდაიცვალა და 35 სხვა დაიჭრა გზის პირას დამონტაჟებული ორი ნაღმის აფეთქების შედეგად. ინციდენტს დილის საათებში ჰქონდა ადგილი, როცა ბაზარში ვაჭრობა განსაკუთრებით აქტიურად მიმდინარეობს.