გაეროს მსოფლიოში წამების აკრძალვის კომისიამ, განაცხადა, რომ შეერთებულმა შტატებმა, გუანტანამოს სამხედრო ბაზის ტერიტორიაზე მდებარე საპყრობილე აუცილებლად უნდა გააუქმოს.
კომისიის დღეს გამოქვეყნებული ანგარიში, რომელიც 10-თი დამოუკიდებელი ექსპერტის მიერაა შემუშავებული, ვაშინგტონს უცხოეთში მდებარე, ტერორიზმში ეჭვმიტანილთათვის განკუთვნილი საიდუმლო საპყრობილეების დახურვისკენ მოუწოდებს. აქვე აღნიშნულია, რომ ასეთი საპყრობილეების არსებობა წამების და პატიმრებისადმი არაჰუმანური და სასტიკი მოპყრობის საწინდარია.