რუსეთის პრემიერ-მინისტრმა ვლადიმირ პუტინმა განკარგულება მისცა რუსეთის უშიშროების სამსახურს დააპატიმროს მოსკოვის მეტროსადგურებში ორშაბათს მოწყობილი ტერაქტებსი ორგანიზატორები. ტელევიზიით გაკეთებულ განცხადებაში ტერაქტების ორგანიზატორების დაკავებას რუსეთის ეროვნული ღირსების დაცვის საქმე უწოდა. მოსკოვში ქრისტე მაცხოვრის სახელობის საკათედრო ტაძარში დაღუპულების სულთა საოხად პანაშვიდი ჩატარდა. რუსეთის ტელესადგურებზე გაუქმდა ყველა გასართობი პროგრამა.