შაბათ-კვირას შეერთებული შტატების საზღვრებზე დაკავებული იმიგრანტების და დევნილების შემოსვლა დაუბრკოლებლად განახლდა. ეს მას შემდეგ გახდა შესაძლებელი, რაც ამერიკის ფედერალურმა სასამართლომ იმიგრაციის შეზღუდვის თაობაზე პრეზიდენტ დონალდ ტრამპის აღმასრულებელი განკარგულების დროებით შეჩერება შეძლო.
ნიუ-იორკში მწვანე ბარათის მფლობელებს და არასაიმიგრაციო ვიზის მქონეებს ლეგალურ დახმარებას უწევდა ორგანიზაცია ნიუ-იორკის საიმიგრაციო კოალიცია. უქმეებზე მათ იმიგრანტების შეყვანა ნიუ-იორკის კენედის აეროპორტიდან ყოველგვარი შეფერხების გარეშე მოახერხეს.
