გაეროს გენერალური მდივანი აცხადებს, რომ სირიაში მცირე ინციდენტების მიუხედავად, ცეცხლის შეწყვეტის შეთანხმება ძირითადად მოქმედებს. ბან კი-მუნის თქმით, საერთაშორისო სამუშაო ჯგუფი სამშვიდობო შეთანხმების დაცვას აკონტროლებს და ცდილობს დარწმუნდეს იმაში, რომ ძალადობის შემდგომი გავრცელება არ მოხდეს.
საფრანგეთის საგარეო საქმეთა მინისტრმა სამუშაო ჯგუფის საგანგებო შეკრება მოითხოვა, რათა სირიელი ამბოხებულების დაბომბვის ფაქტების განხილვა რაც შეიძლება სწრაფად მოხდეს.
