საქართველოს საგარეო საქმეთა სამინისტროს ინფორმაციით, მინისტრი დავით ზალკალიანი ამერიკის სახელმწიფო მდივანს ენტონი ბლინკენს ესაუბრა. სატელეფონო საუბარი მხარეებს შორის დღეს შედგა. "ტვიტერზე" მინისტრ ზალკალიანის მიერ გავრცელებულ ინფორმაციაში ვკითხულობთ, რომ საუბრისას ქვეყნებს შორის სტრატეგიული პარტნიორობის საკითები იყო განხილული.
“სახელმწიფო მდივან ბლინკენთან შესანიშნავი საუბარი გვქონდა საქართველოსა და რეგიონში არსებული უსაფრთხოების სიტუაციის, ჩვენი სტრატეგიული პარტნიორობის და საქართველოში დემოკრატიული კონსოლიდაციის შესახებ. აშშ-ის მტკიცე მხარდაჭერა როგორც საქართველოს ტერიტორიული მთლიანობის, ისე ჩვენი ევროატლანტიკურ სტრუქტურებში ინტეგრაციის მიმართულებით კრიტიკული მნიშვნელობისაა და მტკიცე რჩება. ველოდებით [პრეზიდენტ ჯო] ბაიდენის ადმინისტრაციასთან მჭიდრო თანამშრომლობას პარტნიორობის გასაძლიერებლად", - აღნიშნავს ზალკალიანი.
Great 2 discuss W @SecBlinken security situation in 🇬🇪& region, our partnership& 🇬🇪%27s democratic consolidation. 🇺🇸steadfast support 2 🇬🇪%27s TERR integrity & our Euro-Atlantic integration is crucial& remains strong. Looking fwd 2 working closely W Biden Admin 4 stronger partnership pic.twitter.com/uwWe3zn6xV
— David Zalkaliani (@DZalkaliani) April 13, 2021
ეს პირველი კომუნიკაციაა ამერიკის სახელმწიფო მდივანსა და საქართველოს საგარეო საქმეთა მინისტრს შორის. ამ დრომდე გამართული საუბრის შესახებ ინფორმაცია ამერიკის სახელმწიფო დეპარტამენტს არ გაუვრცელებია.