საქართველოს პრეზიდენტი აშშ-ის სახელმწიფო მდივნის თბილისში დაგეგმილი ვიზიტის შესახებ "ტვიტერზე" წერს.
სალომე ზურაბიშვილი ამბობს, რომ საქართველოს დემოკრატიული განვითარებისთვის აშშ-ის მხარდაჭერა მნიშვნელოვანია.
We welcome the visit of the U.S. Secretary of State to Georgia. The support from our strategic partner, the United States, for our democratic development and for peace and stability in the region is important. 🇬🇪🇺🇸
— Salome Zourabichvili (@Zourabichvili_S) November 11, 2020
"მივესალმებით ამერიკის სახელმწიფო მდივნის ვიზიტს საქართველოში. მნიშვნელოვანია ჩვენი მთავარი პარტნიორის აშშ-ის მხარდაჭერა საქართველოს დემოკრატიული განვითარებისთვის და ჩვენს რეგიონში მშვიდობისა და სტაბილურობის გამყარებისთვის" - წერს პრეზიდენტი.
აშშ-ის სახელმწიფო მდივანი, მაიკ პომპეო ოფიციალური ვიზიტით თბილისს ხვალ ეწვევა. ვიზიტის ფარგლებში, უმაღლესი რანგის ამერიკელი დიპლომატი სალომე ზურაბიშვილს პრეზიდენტის სასახლეში შეხვდება.
ასევე ნახეთ: მაიკ პომპეო რამდენიმე ქვეყანას, მათ შორის, საქართველოს ეწვევაამის შემდეგ, შეხვედრა მთავრობის კანცელარიაში პრემიერ-მინისტრ გიორგი გახარიასთან და საგარეო საქმეთა მინისტრ დავით ზალკალიანთან გაიმართება.
პომპეო ასევე შეხვდება საქართველოს კათალიკოს პატრიარქ ილია მეორეს.
ვიზიტის ბოლოს აშშ-ის სახელმწიფო მდივანი მრგვალი მაგიდის ფორმატში სამოქალაქო საზოგადოების წარმომადგენლებთან გამართავს შეხვედრას.