ბრიტანული ბანკის სკანდალი

ბრიტანეთის ერთ-ერთი უმსხვილესი ბანკი სკანდალში გაეხვა. ბანკს საპროცენტო განაკვეთის არაკეთილსინდისიერ მანიპულაციებში დასდეს ბრალი. ბერკლის ბანკმა უკვე გადაიხადა მრავალმილიონიანი ჯარიმა. ამასთან, გამოძიება არ დასრულებულა, მიმდინარეობს ამ საქმესთან დაკავშირებული მოსმენები. შესაძლოა მომხდარი ფაქტის გამო მოხდეს საფინანსო ფირმების მმართველობის კანონებში ცვლილებების შეტანა. ბერკლი იმ 18-ი ბანკის რიცხვშია, რომელიც მსოფლიოში ყოველდღიური საპროცენტო განაკვეთის რაოდენობას ადგენს.