ლონდონის ხიდზე სატვირთო მანქანა ფეხით მოსიარულეებში შეიჭრა. თვითმხილველები აცხადებენ, რომ არიან დაშავებულები. პოლიციის ცნობით, ხიდის მახლობლად მოხდა კიდევ ორი თავდასხმა, თავდაამსხმელებმა, სულ მცირე, ორი ადამიანი დანით დაჭრეს. პოლიცია ასევე აცხადებს, რომ ლონდონის სამხრეთში მესამე ინციდენტიც მოხდა, დეტალები ჯერ-ჯერობით უცნობია.
At 0025hrs 4/6/17 the incidents at #LondonBridge & #BoroughMarket were declared as terrorist incidents.
— Metropolitan Police (@metpoliceuk) June 3, 2017
ადგილობრივი წყაროების ცნობით, თავდასხმებში ექვსი ადამიანი დაიღუპა. მათ შორის არის 3 თავდამსხმელი.
აქამდე უცნობია დაშავებულთა ზუსტი რიცხვი და მათი ჯანმრთელობის მდგომარეობა. მომხდარიდან მალევე პოლიციამ ლონდონის ხიდი, მეტროს სამხრეთის გაჩერებები და რამდენიმე ქუჩა გადაკეტა, რასაც მოძრაობის პარალიზება მოყვა.
Van was going "about 50 mph" as it plowed into pedestrians on the London Bridge, estimates a reporter at the scene https://t.co/aMKKx7NKwP pic.twitter.com/GnB8iq3ae1
— Los Angeles Times (@latimes) June 3, 2017
ლონდონის პოლიცია მოსახლეობას მოუწოდებს თავი შეაფარონ უსაფრთხო ადგილებს, ასევე ავრცელებს გრაფიკულ ილუსტრაციებს სოციალურ მედიაში, წარწერით "გაიქეცით, დაიმალეთ, გაავრცელეთ ინფორმაცია." პოლიცია ქალაქის მკვიდრებს და სტუმრებს ურჩევს ტელეფონი უხმო რეჟიმზე დააყენონ და პოლიციას შეძლებისთავანე დაურეკონ.
ბრიტანეთის პრემიერ-მინისტრი ტერესა მეი მომხდარზე და სამართალდამცავების რეაგირებაზე მონიტორინგს დაუნინგის 10 ნომრიდან ახდენს.
თავდასხმას გამოეხმაურა შეერთებული შტატების პრეზიდენტი. დონალდ ტრამპმა ტვიტერზე დაწერა, რომ ამერიკა მზადაა ბრიტანეთს დაეხმაროს.
Whatever the United States can do to help out in London and the U. K., we will be there - WE ARE WITH YOU. GOD BLESS!
— Donald J. Trump (@realDonaldTrump) June 3, 2017
Met Police confirm more than one person is dead after London incidentshttps://t.co/Adi7rvUgoo pic.twitter.com/PfyNyl5DGD
— Daily Mirror (@DailyMirror) June 3, 2017
ლონდონის ხიდზე მომხდარ თავდასხმამდე, დაახლოებით, 2 კვირით ადრე 23 ადამიანი დაიღუპა ქალაქ მანჩესტერის სპორტულ არენაზე, ამერიკელი პოპ მომღერლის არიანა გრანდეს კონცერტზე მომხდარი ტერორისტული თავდასხმისას. მომღერალს დაღუპულთა ოჯახების დასახმარებლად საქველმოქმედო კონცერტი ხვალ აქვს დაგეგმილი.