ვაშინგტონი —
ბატონმა დავით ზალკალიანმა „ამერიკის ხმასთან“ საუბარში განაცხადა, რომ შეერთებული შტატები კვლავ რჩება საქართველოს მთავარ სტრატეგიულ პარტნიორად და ორ ქვეყანას შორის გაღრმავდება ქარტიის ფარგლებში დაწყებული თანამშრომლობა. რაც შეეხება რუსეთთან ურთიერთობის დარეგულირებას, საგარეო საქმეთა მინისტრის პირველი მოადგილე აცხადებს, რომ საქართველო არ წავა კომპრომისზე ისეთ ფუნდამენტურ საკითხებზე, როგორიცაა ტერიტორიული მთლიანობა და ქვეყნის საგარეო პოლიტიკური ორიენტაცია. ინტერვიუ ჩაწერა ლევან ღირსიაშვილმა.
