საქართველოს პრეზიდენტმა დღეს განცხადება უშიშროების საბჭოს მდივნის პოსტზე დავით რაქვიაშვილის დანიშნვის შესახებ გააკეთა. პოსტი სექტემბრის შემდეგ ვაკანტური იყო.
დავით რაქვიაშვილი 2008-10 წლებში მუშაობდა რეინტეგრაციის საკითხებში მაშინდელი სახელმწიფო მინისტრის თემურ იაკობაშვილის მოადგილედ. მოგვიანებით, 2011-13 წლებში, როცა იაკობაშვილი შეერთებულ შტატებში საქართველოს ელჩად დაინიშნა, რაქვიაშვილი ამერიკაში საქართველოს დესპანი გახლდათ. ის ასევე ხელმძღვანელობდა საქართველოს საზოგადოებრივ საქმეთა ინსტიტუტის სამეთვალყურეო საბჭოს (GIPA), რომლის რექტორიც წლების მანძილზე პრეზიდენტი გიორგი მარგველაშვილი იყო.