ისრაელის
ყოფილი პრემიერ-მინისტრის ბენიამინ ნატანიაჰუს ოპოზიციურმა ლიკუდის პარტიამ
საპარლამენტო არჩევნებისთვის მკაცრი გეზის გამტარებელი პოლიტიკოსების
კანდიდატურები წამოაყენა.
პარტიამ უკანონო ებრაული დასახლებების გაუქმების რამდენიმე მოწინააღმდეგე, მათ შორის ყოფილი პრემიერ-მინისტრის მენაჰემ ბეგინის შვილი ბენი ბეგინი და ერთ-ერთი უკანონო მოსახლე მოშე ფეიგლინი დაასახელა კანდიდატებად. მოელიან, რომ არჩევნების შედეგად ლიკუდი პარლამენტის ას ოცი ადგილიდან ოცდათორმეტს მოიპოვებს და მთავარ მოქიშპეს, ქვეყნის კოალიციური მთავრობის ამჟამინდელ მმართველს კადიმას პარტიას უკან ჩამოიტოვებს.