ბმულები ხელმისაწვდომობისთვის

კოვიდ-19-ის საწინააღმდეგო ვაქცინის გაკეთების შემდეგ, კალიფორნიელ ექთანს კოვიდ-19 დაუდასტურდა


ფაიზერის მიერ დამზადებული კოვიდ-19-ის საწინააღმდეგო ვაქცინის გაკეთებიდან ერთ კვირაზე მეტი ხნის შემდეგ, კალიფორნიელ ექთანს კოვიდ-19 დაუდასტურდა - ინფორმაციას ამის შესახებ „ABC NEWS” ავრცელებს. თუმცა, სამედიცინო ესპერტები აცხადებენ, რომ ორგანიზმს დაცვის გამომუშავებისთვის მეტი დრო სჭირდება.

45 წლის მედდამ, რომელიც ორ სხვადასხვა ჰოსპიტალში მუშაობს, ვაქცინა 18 დეკემბერს გაიკეთა და ამის შესახებ ფეისბუქის გვერდზე დაწერა. მოგვიანებით, მან „ეიბისი ნიუსის“ ადგილობრივ აფილიატს განუცხადა, რომ აცრის გაკეთების შემდეგ, ერთი დღის განმავლობაში მკლავი სტკიოდა, თუმცა სხვა გვერდითი ეფექტები არ ჰქონია.

გავრცელებული ინფორმაციის მიხედვით, შობის ღამეს, სამუშაო დღის დასასრულს ის ავად გახდა. მან ციება, მოგვიანებით კი კუნთების ტკივილი და დაღლილობა იგრძნო - მომდევნო დღეს მას კოვიდ-19 დაუდასტურდა.

ინფექციურ დაავადებათა სპეციალისტი, ქრისტიან რამერსი ამბობს, რომ მოვლენების ასეთი განვითარება მოულოდნელი არ იყო.

„ვაქცინის კლინიკური კვლევებიდან ჩვენ ვიცით, 10-14 დღეა საჭირო იმისთვის, რომ ვაქცინის მიღების შემდეგ, ორგანიზმა დაცვის გამომუშავება დაიწყოს. ვაქცინის პირველი დოზა, ვფიქრობთ დაახლოებით 50% დაცულობას ქმნის, მეორე დოზის მიღების შემდეგ კი ის 95%-მდე იზრდება“ - აცხადებს ინფექციურ დაავადებათა სპეციალისტი.

Facebook Forum

XS
SM
MD
LG