ამერიკის შეერთებული შტატები გაეროს განათლების, მეცნიერების და კულტურის ორგანიზაცია "იუნესკოს" შემადგენლობიდან გადის.
ამის მიზეზად ვაშინგტონი ორგანიზაციაში არსებულ ანტი-ებრაულ ტენდენციებს ასახელებს.
სახელმწიფო დეპარტამენტის წარმომადგენელ ჰეთერ ნაუერტის განცხადებით, ამ გადაწყვეტილების მიღება ადვილი არ იყო. მისი თქმის, ეს "იუნესკოს რეფორმირების აუცილებლობით და ანტი-ებრაული მისწრაფებებისადმი ჩვენი დამოკიდებულებით არის განპირობებული."
ამასთანავე, აშშ-მ "იუნესკოს" გენერალურ დირექტორს შეატყობინა, რომ ვაშინგტონს სურვილი აქვს ორგანიზაციასთან არა-წევრი სახელმწიფოს სტატუსით გააგრძელოს თანამშრომლობა.
ამერიკის შეერთებული შტატების გადაწყვეტილება ძალაში 31 დეკემბერს შევა.
Facebook Forum