ამერიკამ სამშაბათს ოფიციალურად გახსნა "თეირანში აშშ-ის ვირტუალური საელჩო". სახელმწიფო დეპარტამენტის ეს ინიციატივა მიმართულია ირანელებსა და ამერიკლებს შორის არსებული უფსკრულის შევსებისთვის, განსაკუთრებით კი იმ ფონზე, როდესაც ორ ქვეყანას შორის დიპლომატიური ურთიერთობები უკვე 30 წელია არ არსებობს.
ჰილარი კლინტონმა პროექტს უპრეცედენტო უწოდა და აღნიშნა, რომ ეს ორ ერს შორის შიშის გარეშე კომუნიკაციის დაწყებისა და გაღრმავების კარგი საშუალებაა. ვებგვერდზე ირანელებს შეუძლიათ იხილონ კლინტონის მისასალმებელი ვიდეო მიმართვა, სადაც იგი აღნიშნავს, რომ თანამედროვე ტექნოლოგიების წყალობით ირანელებს აშშ-ში სწავლისა და ვიზის აღების შესახებ ინფორმაციის მოიძიება თავისუფლად შეუძლიათ.
