კონგრესში საიმიგრაციო კანონპროექტის განხილვა დაიწყო

ამერიკის წარმომადგენელთა პალატის ორმა კანონმდებელმა ინიცირება გაუკეთა კანონპროექტს, რომელიც არალეგალი იმიგრანტების ერთ ჯგუფს ამერიკაში კანონიერი რეზიდენტის სტატუსის მიღების საშუალებას მისცემს. ეს იმ უსაბუთო იმიგრანგებს ეხება, რომლებიც ამერიკაში ჩამოსვლის მომენტში არასრულწლოვნები იყვნენ.

კონგრესის ეს კანონპროექტი ანალოგიურ თემაზე სენატის მიერ მომზადებული კანონპროექტის ვარიანტია, რომელიც სენატორებმა ლინდსი გრემმა და რიჩარდ დურბინმა გასულ კვირას მოამზადეს.

კონგრესმენების განცხადებაში აღნიშნულია, რომ ამ კანონპროექტის მიზანია ჭკვიანი და საუკეთესო ადამიანების ქვეყანაში შენარჩუნება და ამით, "ჩვენი საერთო ოჯახისა და ქვეყნის გაუმჯობესება.“