ბმულები ხელმისაწვდომობისთვის

აშშ-ის საელჩო და ევროკავშირის წარმომადგენლობა - სანდო და ინკლუზიური სამართლებრივი პროცესი აუცილებელია


"საქართველოს სჭირდება პარლამენტი, რომელიც შეძლებს თავისი როლის შესრულებას გადაუდებელი პრობლემების გადაჭრაში, ყველა პოლიტიკურმა მხარემ დაუყოვნებლივ უნდა აიღოს პასუხისმგებლობა ასეთი შედეგის უზრუნველსაყოფად”,- სპეციალური განცხადებით ასე გამოეხმაურა საქართველოში აშშ-ის საელჩოსა და ევროკავშირის წარმომადგენლობა საქართველოში არსებულ ვითარებას.

განცხადებაში აღნიშნულია რომ დასაბუთებული საარჩევნო დარღვევების გამოსასწორებლად აუცილებელია სანდო და ინკლუზიური სამართლებრივი პროცესი.

„მოვუწოდებთ პოლიტიკურ პარტიებს, განაგრძონ საარჩევნო დარღვევებთან დაკავშირებული მტკიცებულებების განხილვა სამართლებრივი საშუალებების გამოყენებით, იმ დემოკრატიული პროცესების ფარგლებში, რომელიც საქართველომ ბოლო 20 წლის განმავლობაში შექმნა. დასაბუთებული საარჩევნო დარღვევების გამოსასწორებლად აუცილებელია სანდო და ინკლუზიური სამართლებრივი პროცესი, რათა მოხდეს ამომრჩეველთა ნების პატივისცემა, საარჩევნო პროცესისადმი საზოგადოების ნდობის განმტკიცება და საზოგადოებამ შეძლოს არჩევნების შედეგების ლეგიტიმურად ცნობა,-ნათქვამია განცხადებაში.

აქვე ასევე დაკონკრეტებულია, რომ აშშ-ის საელჩო და ევროკავშირის წარმომადგენლობა მზად არის ამ მიზნების მისაღწევად, საჭიროებისამებრ, წვლილი შეიტანოს.

Facebook Forum

XS
SM
MD
LG