პაკისტანის უშიშროების სამსახურის განცხადებით, ავღანეთის საზღვართან აშშ-ს უპილოტო საფრენმა აპარატმა 6 მეამბოხე მოკლა. ოფიციალური პირები იუწყებიან, რომ დრონმა ორი რაკეტა ისროლა ვაზირისტანის ჩრდილოეთით ქალაქ მირანშაჰში განლაგებულ მეამბოხეთა სამალავზე. ეს რეგიონი კი როგორც ცნობილია თალიბანისა და ალ-ყაიდას მხარდაჭერით გამოირჩევა. უკანასკნელ დროს პაკისტანზე გაძლიერდა ზეწოლა, რათა ისლამაბადმა ბოლო მოუღოს ავღანელი მეამბოხეების თარეშს.