ყანდაარის რეგიონში შვეულმფრენი ჩამოვარდა

ამერიკელი ოფიციალური პირების განცხადებით, ყანდაარის რეგიონში შვეულმფრენის ჩამოვარდნის შედეგად ნატოს ხუთი ჯარისკაცი დაიღუპა.

ავარია ძლიერი წვიმის დროს მოხდა. ნატოს განცხადებით, ინციდენტის დროს მიმდებარე ტერიტორიაზე თალიბების დაჯგუფებები არ შეინიშნებოდა.

ნატოს ჯერ-ჯერობით არ გამოუცხადებია, თუ რომელი ქვეყნის დანაყოფების წარმომადგენლები იყვნენ დაღუპული ჯარისკაცები.

ავარიის გამომწვევი მიზეზების გამოძიება მიმდინარეობს.