ტრამპის ადმინისტრაციამ გაეროს უშიშროების საბჭოში ვეტოს უფლება პირველად გამოიყენა. შეერთებულმა შტატებმა ორშაბათს გაეროს რეზოლუცია დაბლოკა, რომელიც ისრაელის დედაქალაქად იერუსალიმის ცნობის ამერიკულ ინიციატივას უარყოფს. უშიშროების საბჭოს დანარჩენმა 14-მა წევრმა გადაწყვეტილებას მხარი ერთხმად დაუჭირა.
თეთრი სახლის ადმინისტრაციას გაეროში ვეტოს უფლება 6 წელია, არ გამოუყენებია. "ამერიკის შეერთებულ შტატებს ვერცერთი ქვეყანა ვერ ეტყვის, თუ სად განათავსოს საკუთარი საელჩო" - უთხრა საბჭოს წევრებს გაეროში ამერიკის ელჩმა ნიკი ჰეილიმ.
