უკრაინის ეროვნული სიმბოლო შესაძლოა განახლდეს

პრეზიდენტი ვოლოდომირ ზელენსკი იმედოვნებს, რომ ქვეყნის დამოუკიდებლობის 30 წლის იუბლესთვის, უკრაინის ეროვნული სიმბოლოს ცვლილების შესახებ პარლამენტი გადაწყვეტილებას მიიღებს.

29 ივნისს ზელენსკიმ განაცხადა, რომ სიმბოლოს განახლების შესახებ კანონპროექტს საკანონმდებლო ორგანოს დაჩქარებული წესით წარუდგენს. თუ კანონმდებლები პროექტს დაამტკიცებენ, ქვეყანას უფრო კომპლექსური სიმბოლო ექნება, ვიდრე ამჟამინდელია - ყვითელი ფერის სამკუთხედი (ტრიდენტი), ლურჯ ფონზე.

ზელენსკის მიერ შეთავაზებულმა დიზაინმა, გასულ წელს კონკურსი მოიგო, რომლის კომისიაშიც ამჟამინდელი სიმბოლოს შემქმნელიც შედიოდა. ახალი დიზაინი კონსტიტუციიაა განსაზღვრულ და რამდენიმე მოთხოვნას სრულად აკმაყოფილებს, თუმცა ზოგიერთი სპეციალისტი მასში ცვლილებების შეტანას ითხოვს.

28 ივნისს, დაგეგმილი ცვლილებების შესახებ ზელენსკიმ ვრცლად ისაუბრა და აღნიშნა, რომ საკთხის ირგვლივ წლების განმავლობაში განსხვავებული მოსაზრებები ისმის, იმართება მსჯელობა, დავა და ჩხუბიც კი.

„ვფიქრობ, ეს ნორმალურია, ეს არის დემოკრატია. ვფიქრობ, დამოუკიდებლობის 30-ე იუბილეზე და უკრაინის კონსტიტუციის მიღებიდან 25-ე წელს, ამ საკითხს წერტილი უნდა დავუსვათ“ - აცხადებს ზელენსკი.

არსებული სიმბოლოს ზუსტი მნიშვნელობა ბუნდოვანია, მაგრამ ის ისტორიულ წყაროებში პირველად 1000 წლის წინ, კიევის რუსეთის მმართველის, ვოლოდომირ დიდის დროს ჩნდება.

ამჟამინდელი სიმბოლო, დამოუკიდებელი უკრაინის ხანმოკლე „ხალხის რესპუბლიკის“ სიმბოლოდ იქცა, 1917-20 წლებში, ვიდრე ბოლშევიკები მას საბჭოთა სოციალისტურ რესპუბლიკად აქცევდნენ.

მეორე მსოფლიო ომის დროს, სიმბოლო კვლავ გამოჩნდა ნაცისტებთან დაკავშირებული იმ ნაციონალისტური ორგანიზაციების ჰერალდიკაში, რომლებიც საბჭოთა კავშირის წინააღმდეგ იბრძოდა. მათ შორის ე.წ. დამხმარე პოლიცია.

1991 წელს, მას შემდეგ, რაც უკრაინამ საბჭოთა კავშირისგან დამოუკიდებლობა გამოაცხადა, საბჭოთა სიმბოლიკა, ამჟამინდელი სიმბოლოთი შეიცვალა. მიუხედავად რამდენიმე მცდელობისა, „უფრო დიდ“ და დახვეწილ სიმბოლოზე შეთანხმება ჯერ კიდევ ვერ მოხერხდა.

უკრაინელთა ნაწილს მიაჩნია, რომ სამი ათწლეულის შემდეგ, სიმბოლოს შეცვლის შესახებ კონსტიტუციის მოთხოვნა უგულვებელყოფილი უნდა იყოს.

„ტრიდენტი პლანეტაზე ერთ-ერთი ყველაზე ორგინალური ემბლემაა. რატომ ვართულებთ მას, როდესაც შეგვიძლია მისი მარტივი, ნათელი მინიმალიზმი შევინარჩუნოთ?“ - აცხადებს "რადიო თავისუფლების" უკრაინულ სამსახურთან საუბრისას ისტორიკოსი ალექსანდრე ციჩენკო.