თურქული მედიის ცნობით, პროკურატურამ თურქეთის ყოფილ სამხედრო მაღალჩინოსანს ბრალდება უკვე წაუყენა. გადამდგარ გენერალს ილკერ ბასბუქს შიდა დესტაბილიზაციის მოწყობის მცდელობაში ედება ბრალი. გენერალი ბასბუქს სეკულარისტი ოფიცრებისგან შემდგარი ქსელის - ერგენექონის შესახებ დაუსვეს შეკითხვები. პროკურატურის მონაცემებით, სამხედროების დაჯგუფება 2003 წელს აფეთქებების მოწყობას და სხვა სახის შეტევებს გეგმავდა, რასაც საბოლოო ჯამში ხელისუფლების დამხობა უნდა გამოეწვია. 1960-და 1997 წლებამდე თურქეთში სამხედრო გადატრიალება ოთხჯერ მოხდა. თურქეთის ხელისუფლებამ შეთქმულებაში მონაწილეობის ბრალდებით 300-ზე მეტი ადამიანი დაიჭირა, მათ შორის ჟურნალისტები, მეცნიერები და პოლიტიკოსები.