ბმულები ხელმისაწვდომობისთვის

უკრაინაში ომის დაწყების შემდეგ რუსეთის 3 000-ზე მეტმა მოქალაქემ საქართველოში უძრავი ქონება შეიძინა - IPN


რუსი მოქალაქეების ჯგუფი საქართველოში, რომელთაც საზღვარი ზემო ლარსიდან გადაკვეთეს. 27 სექტემბერი, 2022 წ.

უკრაინაში რუსეთის შეჭრის დღიდან, 2022 წლის 24 თებერვლიდან 9 სექტემბრის ჩათვლით, რუსეთის 3 319-მა მოქალაქემ შეიძინა საქართველოში უძრავი ქონება. მათგან 969 თბილისშია რეგისტრირებული. ეს მონაცემები იუსტიციის სამინისტრომ, საჯარო ინფორმაციის მოთხოვნის საპასუხოდ, "ინტერპრესნიუსს" მიაწოდა.

მათივე ცნობით, ამავე პერიოდში რუსეთის ფედერაციის 2 407 მოქალაქის საკუთრების უფლება დარეგისტრირდა 2 594 საცხოვრებელ ბინაზე.

21 სექტემბრიდან, პრეზიდენტ პუტინის მიერ უკრაინასთან საომრად "ნაწილობრივი მობილიზაციის" გამოცხადების შემდეგ, რუსეთის დატოვებას ცდილობს ათეულობით ათასი მოქალაქე. მათ შორის - სახმელეთო გზით რუსეთთან მოსაზღვრე ფინეთში, საქართველოში, ყაზახეთსა და მონღოლეთში.

საქართველოს შინაგან საქმეთა მინისტრმა ვახტანგ გომელაურმა თქვა, რომ რუსეთში სამხედრო მობილიზაციის გამოცხადების შემდეგ "ზემო ლარსიდან" შემომსვლელთა რაოდენობა გაზრდილია.

Facebook Forum

XS
SM
MD
LG