საერთაშორისო წითელი ჯვრის ორგანიზაცია აცხადებს, რომ ერთიანი ძალისხმევის შედეგად სირიის ქალაქ მადაიაში პირველადი დახმარების შეტანა მოახერხა.
ორგანიზაციის ცნობით, პირველადი დახმარების ჯგუფები სირიას ტოვებენ, თუმცა უახლოეს მომავალში ისინი ქალაქში დამატებით დახმარებას ჩაიტანენ.
მეამბოხეების მიერ კონტროლირებული ქალაქი მადაია უკვე თვეებია ბლოკირებულია სამთავრობო ძალების მიერ, ქალაქში 42 000-სამდე მოსახლე ცხოვრობს, მათ სურსათით დახმარება ბოლოს გასული წლის ოქტომბერში მიიღეს, გაეროს მოანცემებით ადამიანები შიმშილით იღუპებიან.