რუსეთის ლიდერები, პრეზიდენტი დიმიტრი მედვედევი და პრემიერ-მინისტრი ვლადიმირ პუტინი გუშინ მდინარე ვოლგაზე თევზაობით ერთობოდნენ და სახელმწიფო საქმეებს განიხილავდნენ.
ასტრახანის რეგიონში მათი ვიზიტის შესახებ მხოლოდ დღეს გახდა ცნობილი, როგორც ამბობენ რუსეთის ლიდერებმა მომავალ საპრეზიდენტო არჩევნებზეც იმსჯელეს.
2012 წლის საპრეზიდენტო არჩევნებამდე სულ რაღაც შვიდი თვეა დარჩენილი და ჯერ რუსეთის არცერთ პოლიტიკურ ლიდერს არ წამოუყენებია საკუთარი კანდიდატურა.