რუსეთის პრეზიდენტი ვლადიმირ პუტინი აცხადებს, რომ სირიაში მსხვერპლის მიზეზი მეამბოხე ჯგუფები და მათი უცხოელი მხარდამჭერები არიან და არა პრეზიდენტი ბაშარ ალ-ასადი.
გერმანული გამოცემა “ბილდი”-სთვის მიცემულ ინტერვიუში პუტინი აცხადებს, რომ ასადი მხოლოდ იმათ წინააღმდეგ იბრძვის, ვინც შეიარაღებული მეთოდებით სირიის მთავრობას უპირისპირდება. ამავე ინტერვიუში პუტინი ამბობს, რომ ასადმა ხუთწლიანი ომის დროს ბევრი შეცდომა დაუშვა, თუმცა ის პასუხისმგებელი არ არის ქვეყანაში არსებულ ძალადობაზე.