აფეთქება პაკისტანში

პაკისტანის პოლიციის განცხადებით, ბელუჯისტანის პროვინციის ქალაქ ქვეტაში ბომბის აფეთქების შედეგად 25 ადამიანი დაიღუპა და 100-ზე მეტი დაიჭრა. დაღუპულთა უმრავლესობა შიიტები იყვნენ, მათ შორის ქალები და ბავშვებიც არიან.
ავღანეთის პრეზიდენტის ჰამიდ კარზაის განცხადებით, ავღანეთის შეიარაღებულ ძალებს ამიერიდან ეკრძალებათ ნატოს ავიაციის გამოძახება სამხედრო ოპერაციების დროს.
ეს გადაწყვეტილება კუნარის პროვინციაში მომხდარმა ინციდენტმა გამოიწვია, როდესაც თალიბანის წინააღმდეგ მიმდინარე ერთობლივი ოპერაციის დროს ნატოს ავიაციის მიერ განხორციელებული დაბომბვის შედეგად ქალები და ბავშვები დაიღუპნენ.